Fotogalereya: Itini sayrga olib chiqqan yigit daryodan million yillik qush izlarini topdi

Sayrga chiqqan odam tarixiy ahamiyatga ega narsa topaman deb o‘ylamaydi. Agar odamlar e’tiborliroq bo‘lsa, ehtimol bunday imkon ko‘payishi mumkin edi, deya yozadi Travel Ask.

Yangi Zelandiyada yashovchi Maykl Jonson yaqinda mana shunday topilmaga guvoh bo‘ldi. U daryo tubida ming yillardan beri saqlanib kelgan qush izlarini topdi.

Yigit suvda qush iziga o‘xshash narsani tasodifan ko‘rib qolganida itini aylantirib yurgan edi. Yaqinroq kelib qaraganda, izlar bir emas, bir nechta katta jonzotniki ekani ma’lum bo‘lgan. U paytda Maykl buni u qadar muhim deb o‘ylamagan, shunchaki telefonida suratga olib, muzey xodimlariga ko‘rsatgan.

Muzey xodimlari esa bu topilmaga u kutganidan ko‘ra ko‘proq e’tibor berdi. Unga tarixiy ahamiyatga ega topilmaning suratini olib kelganini aytishdi. Tez orada daryoda qazilma ishlari boshlanib ketdi. Izlarning hajmi 30x30 santimetr chiqdi.