Kuchli yomg‘ir sabab Toshkentga uchgan ikkita samolyot o‘z yo‘nalishini Samarqandga o‘zgartirdi

Toshkent shahrida kuzatilayotgan kuchli yog‘ingarchilik tufayli poytaxtga parvoz qilayotgan ikkita samolyot Samarqandga yo‘l oldi. Bu haqda AviaSpotter Telegram kanali xabar qildi.

Xususan, Nur-Sultondan Toshkentga uchib kelayotgan, Uzbekistan Airways’ning Airbus A320-214 samolyoti noqulay ob-havo tufayli Samarqanddagi aerodromga o‘z yo‘nalishini o‘zgartirdi.

Bundan tashqari, Uzbekistan Airways’ning Moskva—Toshkent reysidagi Boeing 787-8 Dreamliner samolyoti ham Toshkentdagi noqulay ob-havo va kuchli yog‘ingarchilik tufayli Samarqandga yo‘l oldi.