Mauritsio Sarrining “Yuventus”da qancha maosh olishi ma’lum bo‘ldi

Mauritsio Sarri “Chelsi”dan ketgan taqdirda “Yuventus”da qancha maosh olishi ma’lum bo‘ldi. Bu haqda Corriere della Sera xabar berdi.

60 yoshli mutaxassis turinliklar bilan 3 yillik shartnoma imzolashga kelishib oldi. u klubda yiliga 6-7 million yevro maosh oladi.

“Aristokratlar” Sarrini qo‘yib yuborishga tayyor, ammo yakuniy qarorni klub egasi Roman Abramovich qabul qiladi.

Ma’lum bo‘lishicha, Turin klubi murabbiy uchun 5 million yevro miqdoridagi tovon pulini to‘lashga tayyor.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!