UEFA sobiq prezidenti vafot etdi

UEFA sobiq prezidenti Nils Lennart Yuxansson 89 yoshida vafot etdi, deya xabar berdi Aftonbladet.

Sobiq rahbar 4-iyun kuni uzoq vaqt davom etgan kasallik sabab olamdan o‘tdi.

Ma’lumot uchun, Yuxansson 1990-yildan 2007-yilga qadar UEFAni boshqargandi. U mazkur tashkilotni eng ko‘p boshqargan rahbar edi.

1967-yildan 1980-yilgacha Yuxansson AIK klubining prezidenti, keyinchalik esa klubning faxriy prezidenti lavozimini egallagandi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!