BAAda 200 kishi suvdan zaharlandi

Birlashgan Arab Amirliklarida 200 nafarga yaqin odam suv quvuri orqali ichilgan suvdan zaharlandi, deb xabar beradi “Exo.Moskvi”.

Jabrlanganlarning barchasi Ajman shahridagi qimmatli uylarda istiqomat qilgan.

Khaleej Times mahalliy nashrining ma’lum qilishicha, zaharlanish oqibatida sakkiz kishi shifoxonaga yotqizilgan. Hech kim halok bo‘lmagan. Kommunal xizmatlar barcha quvurlarni tekshirish va zararsizlantirish bo‘yicha ishlarni amalga oshirmoqda.

Shuningdek, turar-joy majmuasidagi suv rezervuarlari ham tekshirilmoqda.