Amerikalik diplomat Vashingtonda tojikistonlik xotinini otib o‘ldirdi, so‘ng o‘z joniga qasd qildi

Amerikalik diplomat tojikistonlik turmush o‘rtog‘i Lola G‘ulomovaning otib o‘ldirdi, so‘ng o‘z joniga qasd qildi. Bu haqda Asia-Plus xabar bermoqda.

45 yashar ayolning o‘q izlari bo‘lgan jasadi 7-iyun kuni Vashingtondagi uyidan topildi. Shu kuni er-xotin ajrashish jarayonini yakunlash uchun sudga borishi lozim edi.

Politsiya eshikni sindirib, uy ichiga kirganida G‘ulomovaning eri — AQSh Davlat departamenti xodimi Jeyson Riff ham o‘zini otdi. U keyinchalik kasalxonada boshidan olingan jarohat tufayli vafot etdi.

Jeyson Riff va Lola G‘ulomova shu yil mart oyida 18 yillik turmushdan so‘ng ajrashishga qaror qilgandi. Er-xotinning fojia payti uydan tashqarida bo‘lgan 2 nafar qizi bo‘lib, ulardan kattasi shu kuni maktabni tamomlayotgandi.

Oxirgi vaqtlarda AQSh Savdo vazirligida ishlayotgan Lola G‘ulomova yangi 4 yillik shartnomani imzolagan va 2020-yilda Belgradga jo‘nab ketishi lozim edi. U o‘zi bilan qizlarini ham olib ketmoqchi bo‘lgan, biroq Riff bundan norozi edi.