Xitoydagi shaxta o‘pirilishi oqibatida to‘qqiz kishi halok bo‘ldi

Xitoyning Szilin provinsiyasida shaxta o‘pirilishi sodir bo‘ldi. “Gazeta.ru”ning xabar berishicha, hodisa oqibatida to‘qqiz kishi halok bo‘ldi, yana o‘n kishi jarohatlandi.

Xabarda aytilishicha, shaxtaning o‘pirilishiga 2,3 magnitudali zilzila sabab bo‘lgan. Oqibatda konchilar yer ostida qamalib qolgan.

Hozirda qidiruv-qutqaruv ishlari yakunlangan, jabrlanganlarning barchasiga zarur tibbiy yordam ko‘rsatilgan.