Dunyoning eng ko‘p haq to‘lanadigan sportchilari ma’lum bo‘ldi

Forbes jurnali dunyoning eng ko‘p haq to‘lanadigan sportchilar ro‘yxatini ma’lum qildi.

Kuchli uchlikni futbolchilar band qilgan.

Birinchi o‘rin “Barselona” hujumchisi Lionel Messiga nasib etdi. Argentinalik futbolchining 2018-yil iyunidan 2019-yilning iyuniga qadar bo‘lgan daromadi 127 million AQSh dollariga baholanmoqda.

“Yuventus” hujumchisi Krishtianu Ronaldu (109 million) 2-o‘rindan joy olgan bo‘lsa, 3-pog‘onani PSJ hujumchisi Neymar (105 million) band qildi.

Umumiy hisobda 100 nafar eng ko‘p haq to‘lanadigan sportchilardan 12 tasini futbolchilar tashkil etadi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!