O‘zbekistonda OTMlarga qabul jarayoni boshlanishi munosabati bilan Call-markaz tashkil etildi

O‘zbekistonda OTMlarga qabul jarayoni boshlanishi munosabati bilan Oliy va o‘rta maxsus ta’lim vazirligida Call-markaz tashkil etildi. Bu haqda vazirlik matbuot xizmati ma’lum qildi.

Bundan ko‘zda tutilgan maqsad abituriyentlar va ularning ota-onalariga qulaylik yaratish, qiziqtirgan savollarga javob berish, joriy etilgan yangiliklarni mohiyatini keng jamoatchilik e’tiboriga yetkazib borish ekanligi bildirilgan.

Fuqarolar (71) 246-16-04 telefon raqami orqali Call-markaz bilan bog‘lanib, o‘zlarini qiziqtirgan savollarga javob olishi mumkin.