Turizmni rivojlantirish qo‘mitasi sayyohlar uchun ma’lumot markazini ishga tushirdi

O‘zbekiston turizmni rivojlantirish davlat qo‘mitasi axborot markazining maxsus telefon xizmati (71) 200?00?88 o‘z ishini boshladi. Bu haqda “Gazeta.uz” xabar bermoqda.

Sayyohlar ushbu telefon raqamiga kunning istalgan vaqtida qo‘ng‘iroq qilib, O‘zbekiston bo‘ylab sayohat qilishga doir har qanday savollarga javob olishi mumkin.

Xabarda qayd etilishicha, odatiy savollarga darhol javob beriladi. Aniqlik kiritish kerak bo‘lgan savollarga esa agarda qo‘ng‘iroq ish vaqtida amalga oshirilgan bo‘lsa qo‘mita mutaxassislari javob berishi mumkin.

Qo‘mita kelgusida sayyohlarga qulaylik yaratish maqsadida qisqa raqamni (to‘rt raqamli) ishga tushirishni rejalashtirmoqda.