Yevropaning eng keksa ayol fuqarosi vafot etdi

Yevropaning eng keksa fuqarosi 116 yoshida vafot etdi. Bu haqda “Gazeta.ru” xabar berdi.

Mariya Juzeppa Robuchchi Italiyaning Pojo-Imperiale shahrida 1903-yilda tug‘ilgan. 25 yoshida turmushga chiqqan va keyinchalik 3 o‘g‘il va 2 nafar qiz farzad ko‘rgan. Uning turmush o‘rtog‘i 1985-yilda vafot etgan.

U tarixda bunday yoshga yetgan uchinchi italiyalik ayol hisoblanadi.

O‘zining uzun umr ko‘rishini Robuchchi sog‘lom turmush tarsi hamda Xudoga bo‘lgan e’tiqodi bilan bog‘laydi. Uning so‘zlariga ko‘ra, kamroq yeyish, shunda ham faqat sog‘lom ovqatlarni yeyish kerak. Shuningdek, bir tomchi ham vino ichish kerak emas. Bir dona sigaret chekish ham juda zararlidir.