O‘zbekistondagi barcha OTMlarda maslahat markazlari va Call-markazlar faoliyati yo‘lga qo‘yildi

Oliy va o‘rta maxsus ta’lim vazirligida 2019/2020-o‘quv yili uchun qabul jarayoni boshlanishi munosabati bilan abituriyentlar va ularning ota-onalariga qulaylik yaratish, ularni qiziqtirgan savollariga javob berish maqsadida Call-markaz tashkil etilgandi.

Shu kunga qadar Call-markazda qariyib ikki mingga yaqin qo‘ng‘iroqlarga javob qaytarildi.

Murojaatlar ko‘lami bu yilgi qabul jarayonidagi o‘zgarishlar va yaratilgan qulayliklar yoshlarda katta qiziqish uyg‘otganini ko‘rsatib turibdi.

Shu sababli abituriyentlarga murojaat qilish imkoniyatini kengaytirish va qo‘shimcha qulaylik yaratish maqsadida respublikadagi barcha OTMlarda maslahat markazlari va Call-markazlari faoliyati yo‘lga qo‘yildi.