Rasman: “Surxon” bosh murabbiyi iste’foga chiqarildi

“Surxon” bosh murabbiyi Andrey Miklyayev o‘z arizasiga ko‘ra iste’foga chiqarildi. Bu haqda klub matbuot xizmati xabar berdi.

51 yoshli mutaxassis jamoani butunlay tark etmaydi va klub tizimida qoladi. U hozircha “Surxon”da qanday lavozimda ishlashi hali ma’lum emas.

Eslatib o‘tamiz, “Surxon” Miklyayev qo‘l ostida Superligada 12-turga qadar 6 ta g‘alaba, 3 ta durang hamda 3 ta mag‘lubiyat qayd etdi va musobaqa jadvalida 21 ochko to‘plagan holda 3-o‘rinni egallab turibdi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!