Hokim Jahongir Ortiqxo‘jayev Toshkentda Media City qurishni taklif qildi

29-iyun kuni Toshkent shahar hokimligi tomonidan Matbuot va ommaviy axborot vositalari xodimlari kuni munosabati bilan bayramona kecha o‘tkazildi. Tadbirda shahar hokimi Jahongir Ortiqxo‘jayev ham ishtirok etdi.

Hokim jurnalistlar bilan muloqotda poytaxtda Media City qurishni taklif qildi, deya xabar bermoqda “Xabar.uz”.

“Dubayda shunday joy bor. Bizda ham jurnalistlar, tahririyatlar, saytlar uchun alohida shaharcha bo‘lishini xohlayman”, — dedi u.

Shuningdek, qo‘shimcha qildi: “Bizni tanqid qilishmagan kuni xuddi ishlamayotgandek his qilaman o‘zimni”.