Andijon mashinasozlik institutiga yangi rektor tayinlandi

Umid Turdialiyev Andijon mashinasozlik institutining rektori etib tayinlandi.

2019-yil 29-iyun kuni institutda Oliy va o‘rta maxsus ta’lim vaziri Inomjon Majidov professor-o‘qituvichlar, faxriy ustozlar va jamoa bilan uchrashuv o‘tkazdi.

Uchrashuvda vazir jamoaga yangi rektorni tanishtirdi.

Ma’lumot uchun, Umid Turdialiyev 1980-yilda tug‘ilgan. Ma’lumoti oliy, 2005-yilda Farg‘ona politexnika institutni tamomlagan. Texnika fanlari doktori, katta ilmiy xodim.

2018-yildan TKTI ilmiy ishlar va innovatsiyalar bo‘yicha prorektori — O‘zR FA Umumiy va noorganik kimyo instituti direktori o‘rinbosari lavozimlarida faoliyat ko‘rsatib kelgan.