Toshkent kimyo-texnologiya institutining Yangiyer filiali tashkil etildi

Vazirlar Mahkamasi qarori bilan Toshkent kimyo-texnologiya institutining Yangiyer filiali tashkil etildi.

Qarorga muvofiq, kimyoviy texnologiyalar sohasida malakali kadrlar tayyorlash va qayta tayyorlash, korxonalarning muammolarini hal etishga qaratilgan innovatsion tadqiqotlarni faol rivojlantirish filialning asosiy vazifalaridan etib belgilandi.

2019-yilda tashkil etilgan respublika OTMlarining filiallari qatori TKTI Yangiyer filialiga ham 2019/2020-o‘quv yilida bakalavriatning kunduzgi ta’lim shakli bo‘yicha davlat buyurtmasi asosida o‘qishga qabul qilish parametri tasdiqlandi.

Unga ko‘ra, TKTI Yangiyer filialiga bakalavriat ta’lim yo‘nalishlari uchun 175 ta qabul kvotasi ajratilgan.

Ma’lumot uchun, O‘zbekistonda OTMlar soni 110 taga yetdi. Shundan:

91 tasi mahalliy OTM va ularning filiallari;

19 tasi xorijiy OTM va ularning filiallari.