Zidan vafot etgan akasi haqida: “Qalbimda mangu yashaysiz”

“Real” bosh murabbiyi Zinedin Zidan o‘zining Instagram’dagi sahifasida akasi bilan vidolashdi.

Farid Zidan saraton kasalligi sabab 54 yoshida vafot etdi. Shu sababli Zidan “Real”ning Kanadadagi yig‘inlarini tark etib, Ispaniyaga qaytgandi.

Qadrli akajonim, Farid. Har doim menga to‘g‘ri yo‘l ko‘rsatib kelgansiz. Doim meni qo‘llab-quvvatlagansiz. Siz yaqinlaringizni juda yaxshi ko‘rgansiz, yaqinlaringiz ham sizni juda yaxshi ko‘radi. Siz bilan juda faxrlanaman. Qalbimda mangu yashaysiz.

Zinedin Zidan, “Real” bosh murabbiyi

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!