Foto: Britaniyalik g‘avvoslar kattaligi odamdek keladigan meduzani suratga oldi

Britaniyalik g‘avvoslar Kornuoll qirg‘og‘i yaqinida kattaligi odamdek keladigan ulkan meduzaga duch keldi. Lizzi Deyli ismli dayver meduzani suratga olib, o‘zining Twitter’dagi sahifasiga joylashtirdi, deb xabar beradi “TASS”.

“Kecha ‘Yovvoyi okean haftaligi’ yakunlanishi munosabati bilan Falmut yaqiniga sho‘ng‘idik va ushbu ulkan bochkasimon meduzaga duch keldik”, — deb yozadi Deyli.

Mirror nashrining yozishicha, bochkasimon meduzalar Britaniya suvlarida yashovchi eng yirik meduza hisoblanadi. Ular asosan yoz yoki kuz fasllarida qirg‘oq yaqinida paydo bo‘ladi.