Toshkentda qurilish ishlari olib borilayotgan hududda yong‘in sodir bo‘ldi
Toshkentning Yashnobod tumani Boyqo‘rg‘on ko‘chasi 2-uyda joylashgan “Biznes yunayted” MChJga qarashli qurilish ishlari olib borilayotgan hududidagi qurilish vagonida yong‘in yuz berdi.
Davlat yong‘in xavfsizligi xizmatidan ma’lum qilishlaricha, hodisa 15-iyul kuni soat 16:19 da sodir bo‘lgan. Voqea joyiga 2 ta yong‘in o‘chirish texnikasi yuborilgan. O‘t o‘chiruvchilar soat 16:15 da yetib kelgan va yong‘in 16:38 da bartaraf etilgan.
Yong‘in oqibatida qurilish vagonining ichki qismining 25 kvadrat metr maydoni yongan. Halok bo‘lganlar va tan jarohati olganlar yo‘q. Hozirda yong‘in sababi va moddiy zarar miqdori aniqlanmoqda.
Mavzuga doir: Toshkentda yangi qurilayotgan uyning tomi yondi (foto va video)
Mavzuga doir: Sergelidagi qurilishda yuz bergan yong‘inda bir kishi halok bo‘ldi
Manba: Daryo.uz