Rasman: “Yuventus” 75 mln yevroga himoyachi sotib oldi

“Ayaks” sardori Matteys de Ligt rasman “Yuventus” futbolchisiga aylandi. Bu haqda Turin klubi rasmiy sayti xabar berdi.

Niderlandiya terma jamoasining 19 yoshli himoyachisi uchun “Yuventus” “Ayaks”ga 75 million yevro to‘laydigan bo‘ldi. Turinliklar mazkur mablag‘ni besh yil ichida to‘lab beradi.

Bundan tashqari “Ayaks” 10,5 million yevroni bonus sifatida qo‘lga kiritishi mumkin.

De Ligt “Yuventus” bilan 2024-yil 30-iyuniga qadar shartnoma imzoladi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!