Inyesta La Liga elchisiga aylandi

Ispaniya terma jamoasi hamda “Barselona” sobiq yarim himoyachisi Andres Inyesta La Liga elchisi lavozimiga tayinlandi, deya xabar berdi David Reyes.

Tokio shahrida tashkil etilgan maxsus marosimda La Liga prezidenti Xavyer Tebas, chempionat elchisi Fernando Sans, shuningdek, “Barselona” sobiq o‘yinchilari Samyuel Eto’O, Inyesta ishtirok etdi. Mazkur tadbirda Inyestaga o‘z nomi tushirilgan Ispaniya chempionatining katta libosi topshirildi.

Eslatib o‘tamiz, 35 yoshli ispaniyalik ayni damda Yaponiyaning “Vissel Kobe” klubi sharafini himoya qilmoqda.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!