Britaniya qirolichasi Boris Jonsonni bosh vazir etib tayinladi

Buyuk Britaniya qirolichasi Yelizaveta II 24-iyul, chorshanba kuni Boris Jonsonni mamlakat bosh vaziri etib tayinladi, deya xabar beradi “Korrespondent.net”.

Shuningdek, Britaniya qirolichasi unga hukumatni qaytadan tuzishga topshiriq berdi.

Monarx bilan uchrashuvdan keyin Jonson Britaniya bosh vazirlari qarorgohiga borib, u yerda birinchi marta hukumat rahbari sifatida nutq so‘zlaydi.

Avvalroq, qirolicha Yelizaveta II Buyuk Britaniyaning oldingi bosh vaziri Tereza Meyning iste’fosini qabul qilgan edi.

Xabarlarga ko‘ra, 25-iyul, payshanba kuni Boris Jonson Britaniya yangi hukumatining birinchi yig‘ilishini o‘tkazishi kutilmoqda.