Shavkat Rahmonov Xorazm viloyati IIB boshlig‘i etib tayinlandi

O‘zbekiston ichki ishlar vaziri Xorazm viloyati IIB boshlig‘ini tayinladi. Bu haqda “Na postu” gazetasiga tayanib, “Gazeta.uz” xabar bermoqda.

Xorazm IIBni Respublika favqulodda vaziyatlar vaziri etib tayinlangan Rustam Jo‘rayev o‘rniga polkovnik Shavkat Rahmonov boshqardi.

Andijon viloyatida podpolkovnik Sirojiddin Nazirxonov, Namangan viloyatida podpolkovnik Omonjon Tojiboyev IIB boshlig‘ining o‘rinbosarlari — yo‘l harakati xavfsizligi boshqarmalari boshlig‘i lavozimini egalladi.

Podpolkovnik Saidkarim Alimov Toshkent viloyat IIB boshlig‘ining birinchi o‘rinbosari — jinoyat-qidiruv va terrorizmga qarshi kurash boshqarmasi boshlig‘i etib tayinlandi. “Daryo”ning Telegram’dagi rasmiy kanali — @toshqindaryo’ga a’zo bo‘ling!