O‘zbekistonda shanba-yakshanba kunlari 7 mingdan oshiq kishiga pasport berildi

IIV migratsiya va fuqarolikni rasmiylashtirish bosh boshqarmasi hamda uning viloyatlardagi boshqarmalari xodimlari pasport rasmiylashtirish uchun hujjat topshirmoqchi bo‘lgan fuqarolarni haftaning shanba va yakshanba kunlari soat 8:00dan 20:00 ga qadar qabul qilishni boshlagan edi.

Mazkur xizmat yo‘lga qo‘yilishi natijasida o‘tgan haftaning shanba va yakshanba (27—28-iyul) kunlari ichki ishlar organlari migratsiya va fuqarolikni rasmiylashtirish xizmatlari xodimlari tomonidan 4285 nafar fuqaroning biometrik pasport va xorijga chiqish biometrik pasportlarini rasmiylashtirish yuzasidan hujjatlar qabul qilingan.

7444 nafar fuqaroga biometrik pasport hamda xorijga chiqish biometrik pasportlari topshirildi.