Sirdaryoda ayollarning o‘zaro janjali pichoqbozlik bilan yakunlandi

2019-yil 29-iyul kuni Sirdaryo viloyatining Guliston tumanida yashovchi 22 yoshli N.P. ismli ayol Mevazor mahallasida yashovchi 43 yoshli M.D. ismli ayolning uyida o‘zaro janjal oqibatida uni tanasining turli joylariga pichoq bilan urib jarohat yetkazgan. Natijada M.D. kasalxonaga yotqizilgan,deb ma’lum qiladi O‘zbekiston Respublikasi IIV Jamoatchilik va OAV bilan aloqalar boshqarmasi.

Holat yuzasidan jinoyat ishi qo‘zg‘atilib, N.P. ushlangan.

Tergov harakatlari olib borilmoqda.