Eron AQShning 15 kompaniyasiga nisbatan sanksiyalar joriy etadi

Eron “Isroilni qo‘llab-quvvatlagan va Falastin aholisi huquqlarini buzgan” AQShning 15 kompaniyasiga nisbatan sanksiyalar joriy etadi. Bu haqda “Kommersant” xabar bermoqda.

Bu haqdagi qaror AQSh Eronning ballistik raketalar yaratish bo‘yicha dasturi bilan aloqalari tufayli qator xorijiy kompaniyalarga nisbatan sanksiyalar e’lon qilganidan ikki kun o‘tib qabul qilindi.

AQSh rasmiylari 24-mart juma kuni Eron, Shimoliy Koreya va Suriyaga nisbatan qo‘llangan cheklovlarni buzishda ayblab, 30 ta chet el tashkiloti va 10 mamlakat fuqarolariga sanksiyalar joriy etdi.

Bundan 11 shaxs va tashkilot Eron ballistik raketalar dasturi uchun maxsus materiallar yetkazib berganlikda gumon qilinib, mazkur “qora ro‘yxat”ga kiritildi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!