Farruh Ibragimov Kasbi tuman IIB boshlig‘i etib tayinlandi. Uning oldingi rahbari fermerlar qo‘liga kishan taqqani uchun ishdan olingandi

Qashqadaryo viloyati Kasbi tumani ichki ishlar bo‘limi boshlig‘i lavozimiga Farruh Ibragimov tayinlandi. Bu haqda IIV matbuot xizmati xabar berdi.

U bundan avval Qarshi shahar Ichki ishlar boshqarmasi boshlig‘i lavozimida ishlagan.

Eslatib o‘tamiz, Kasbi tuman IIBning sobiq boshlig‘i Chori Ko‘charov dala seminarida 11 nafar fermer xo‘jaligi ishchisi qo‘liga kishan taqib, seminarga qatnashmagan fermerga xodimini yuborib, tanobini tortmoqchi bo‘lgan.

Shundan so‘ng Ichki ishlar vazirligi tomonidan IIB boshlig‘i harakatiga huquqiy baho berish maqsadida xizmat tekshiruvi tayinlangan. 29-iyul kuni Chori Ko‘charov ishdan olingani ma’lum bo‘ldi.