Gabriel Jezus ikki oyga diskvalifikatsiya qilindi

Braziliya terma jamoasi hujumchisi Gabriel Jezus Janubiy Amerika futbol konfederatsiyasi (KONMEBOL) tomonidan ikki oyga diskvalifikatsiya qilindi, deya xabar qilmoqda Goal.

Jezus Amerika Kubogi finalidagi harakati uchun jazolangan. Eslatib o‘tamiz, Gabriel Peruga qarshi o‘yin paytida qizil kartochka olgandi. Shundan keyin maydonni tark etar ekan suv idishini tepib yuborgan va bosh hakam foydalanadigan videotakrorlar kuzatuv kabinkasiga musht bilan zarba bergan.

Shu tariqa, Jezus yaqin ikki oy ichida Braziliya terma jamoasiga yordam bera olmaydi. Bu vaqt oralig‘ida “pentakampeonlar” rasmiy o‘yin o‘tkazmaydi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!