Rossiya mintaqalarida uzoq masofaga yuk tashuvchi haydovchilarning norozilik aksiyalari boshlandi

Rossiya mintaqalarida uzoq masofaga yuk tashuvchi haydovchilar federal trassalarda yurish uchun pul to‘lash tizimi — “Platon”ga qarshi norozilik aksiyalari boshlandi. Bu haqda “Vedomosti” xabar bermoqda.

Oldinroq Rossiya yuk tashuvchilar birlashmasi 27-mart, dushanba kuni uzoq masofaga yuk tashuvchi haydovchilar aksiyasi bo‘lib o‘tishi, unda kamida 10 ming haydovchi ishtirok etishini ma’lum qilgandi.

Mahalliy OAVlar xabarlariga ko‘ra, Sankt-Peterburg shahri, Orenburg, Astraxan, Amur viloyatlari va Udmurtiyada shunday aksiyalar bo‘lib o‘tmoqda. 

Namoyishchilar yuk mashinalarini yo‘l chetida to‘xtatib, “Platon” tizimi bekor qilinmaguncha bu yerdan ketmasliklarini bildirmoqda. “Daryo”ning Telegram’dagi rasmiy kanali — @toshqindaryo’ga a’zo bo‘ling!