Samarqandda fuqaro janjal tufayli bir kishining yuziga sirka sepib jarohat yetkazdi

2019-yil 20-iyul kuni soat 20:00 larda Samarqand tumani Pastdarg‘om tumani “Xonchorbog‘” MFYda yashovchi 22 yoshli Sh.A. “Obod turmush” MFY hududida o‘zaro janjal tufayli “Oqdaryo” mahallasida yashovchi 33 yoshli S.B.ning yuziga qo‘lida bo‘lgan yelim idishdagi sirka kimyoviy aralashmasini sepib yuborgan. Bu haqda O‘zbekiston Respublikasi IIV Jamoatchilik va OAV bilan aloqalar boshqarmasi xabar bermoqda.

Natijada S.B. kuyish jarohatlari bilan kasalxonaga yotqizilib, Sh.A. ushlangan. Holat yuzasidan jinoyat ishi qo‘zg‘atilib, tergov harakatlari olib borilmoqda.