Qashqadaryolik erkak pochchasini o‘roq bilan jarohatladi

Qashqadaryoda ikki fuqaroning o‘zaro janjali ularning biri kasalxonaga yotqizilishi bilan yakunlandi, deb xabar berdi IIV Jamoatchilik va OAV bilan aloqalar boshqarmasi.

14-avgust kuni soat 21:00 larda Qashqadaryo viloyatining Qamashi tumani “Boburtepa” MFYda yashovchi 29 yoshli B.Ch. uyida o‘zaro janjal oqibatida “Pastol” qishlog‘ida yashovchi pochchasi 38 yoshli E.R.ning boshiga o‘roq bilan urib, jarohat yetkazgan. Natijada E.R. kasalxonaga yotqizilgan.

Holat yuzasidan jinoyat ishi qo‘zg‘atilib, B.Ch. ushlangan. Tergov harakatlari olib borilmoqda.