Aleksis Sanches A Seriya klubi bilan kelishuvga erishdi

“Manchester Yunayted” hujumchisi Aleksis Sanches “Inter”ga o‘tishi mumkin.

Italiyalik jurnalist Janluka di Martsioning xabar qilishicha, milanliklar klubi Sanches va uning agenti bilan kelishuvga erishgan. Endi inglizlar bilan transfer bahosi borasida kelishib olinsa bas.

Avvalroq chililik futbolchiga “Roma”dan qiziqish borligi xabar qilingan edi.

30 yoshli Sanches o‘tgan mavsum Angliya chempionatida 20 o‘yin o‘tkazdi va bitta gol urishga muvaffaq bo‘ldi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!