Akulaning suvga sho‘ng‘igan qizga hujum qilishga urinishi dron tasviriga tushib qoldi (video)

AQShlik erkak dron yordamida uning sevgan qiziga akula hujum qilishga uringanini tasodifan videoga oldi, deb yozadi “RIA Novosti”.

Hodisa Florida shtatining Uest-Palm-Bich sohilida yuz berdi. Erkak lastlar va niqobda suzayotgan sevgan qizini kameraga olayotgan edi. Kutilmaganda kadrda akula paydo bo‘ldi. U tezlik bilan qizga yaqinlashdi, so‘ngra keskin qayrilib g‘oyib bo‘ldi.

Videoyozuv muallifi yirtqich odamni nishonga olmaganligi, balki harakatlanayotgan lastlarni baliq suzgichlari deb gumon qilganligini taxmin qildi.