Qashqadaryoda nevara 78 yoshli buvisini temir bo‘lagi bilan urib, jarohatladi

Qashqadaryo viloyatining Shahrisabz tumanida yashovchi 31 yoshli A.N. “Ammog‘on” qishlog‘ida yashovchi buvisi, nafaqaxo‘r, 78 yoshli M.A.ning uyida janjallashib, uning boshiga temir bo‘lagi bilan urib, jarohat yetkazdi.

IIV Jamoatchilik va OAV bilan aloqalar boshqarmasi xabariga ko‘ra, voqea 14-avgust kuni sodir bo‘lgan. Oqibatda M.A. kasalxonaga yotqizilgan.

Holat yuzasidan jinoyat ishi qo‘zg‘atilib, A.N. ushlangan. Tergov harakatlari olib borilmoqda.