Xitoylik aktyor Jeki Chan koronavirusga qarshi vaksina yaratishlari uchun 1 mln yuan mablag' ajratdi…

Hozirgi kunda Gollivudda ijod qilayotgan xitoylik mashhur aktyor, sportchi, rejissyor Jeki Chan o'z vatanida ko'pchilikning o'limiga sababchi bo'lgan, minglab odamlarning tinchini buzgan pnevmoniya ko'rinishidagi koronavirusga qarshi vaksina yaratishlari uchun shaxsiy jamg'armasidan 1 million yuan ajratdi. Aktyorning gapiga qaraganda, 1 million yuan uning uchun katta pul emas.

— Men vatanimdagi ko'chalar kimsasiz qolib ketganini ko'rib yig'ladim, — deydi aktyor. — Hamma xafa, bezovta, ayollar, qizlar yig'lamoqda. Har kuni xonadonlarda o'lim xavfi izg'imoqda. Istardimki, tezroq o'sha vaksinani yaratishsa-yu, Xitoy ko'chalari yana odamga to'lsa. Butun dunyoda yana tabassum, kulgi, xursandchilik, salomatlik hukm sura boshlasa. Agar shu vaksinani yaratishsa, men yaratuvchilarni shaxsan mukofotlayman.