GM-AvtoVAZ Chevrolet Niva ishlab chiqarishni to‘xtatdi

Tolyattidagi “GM-AvtoVAZ” qo‘shma korxonasi Chevrolet Niva ishlab chiqarishni to‘xtatdi.

Konveyer mazkur modelga bo‘lgan talabning pasayishi tufayli 2—6-sentabr kunlari ishlamaydi.

Avtozavod matbuot xizmati buni “so‘rovni optimallashtirish” deb izohladi.

Avtostat ma’lumotlariga ko‘ra, joriy yilning birinchi yarmida Chevrolet Niva xaridorlari soni o‘tgan yilning shu davriga nisbatan 26 foizga qisqargan. 2018-yilning 6 oyi davomida 14 203 yo‘ltanlamas o‘z xaridorini topgan bo‘lsa, bu yil talab 10 549 donagacha kamaygan.