Makgregor Habib va Porye o‘rtasidagi jangga tashrif buyuradimi?

UFC prezidenti Deyna Uaytning ma’lum qilishicha, sobiq chempion Konor Makgregor UFC242 musobaqasi doirasida kechadigan Habib Nurmagomedov va Dastin Porye o‘rtasidagi jangni tomosha qiladi.

“Konor Abu Dabiga kelmaydi. U bilan yaqinda ikki bor suhbatlashdim. Yo‘q, Konor jangga kelmaydi. Biroq u bellashuvni televideniye orqali tomosha qiladi”, — deydi Uayt.

Eslatib o‘tamiz, Habib va Porye o‘rtasidagi jang 7-sentabr, shanba kuni Abu Dabida bo‘lib o‘tadi. Jang kechasi Toshkent vaqti bilan 22:00 da start oladi. Habib ishtirokidagi jang esa 01:00 da boshlanishi kutilmoqda.

Yanada ko‘proq UFC va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!