Revansh yaqin: Ruis—Joshua dahanaki jangi boshlandi

Og‘ir vaznda WBA, WBO, IBF, IBO kamarlari sohibi Endi Ruis shu vazndagi sobiq jahon chempioni Entoni Joshua bilan revanshdan oldin dahanaki jangga kirishib ketdi.

“U kamarlarini qaytarib olaman dedimi? Ajoyib. Ammo bitta muammo bor. Bu uning kamarlari emas, aksincha meniki. Ularni esa shunchaki berib qo‘yish niyatida emasman. Men 7-dekabrda bo‘ladigan jangga qattiq tayyorlanmoqdaman. Birinchi jangda tasodifan g‘alaba qozonmaganimni isbotlamoqchiman”, — deydi Ruis.

Eslatib o‘tamiz, Ruis—Joshua o‘rtasidagi revansh jangi 7-dekabr kuni Saudiya Arabistonida bo‘lib o‘tadi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!