Entoni Joshuaning navbatdagi jangi yozda bo‘ladi

Boks bo‘yicha og‘ir vaznda WBA, IBF va WBO chempioni Entoni Joshua joriy yilning 1-iyunida Nyu Yorkdagi “Madison Square Garden” sport saroyida chempionlik kamarini himoya qilishi mumkin.

Uning raqibi Jarrell Miller bo‘lishi kutilmoqda. Bu Joshua uchun professional karyerasidagi AQShda o‘tadigan birinchi jangi bo‘lishi kutilmoqda.

Joshuaning jamoasi aprel oyida Londonning “Uembli” stadionida bo‘lishi kerak bo‘lgan jangni tashkillashtira olmadi. Ushbu jangga asosiy da’vogarlardan biri Dillian Uayt edi, ammo u jang borasida taklif etilgan shartlardan qoniqmagan.

Jurnalist Mayk Koppinjerning xabar berishicha, ayni damda Joshua hamda Miller jamoalari o‘rtasida muzokaralar olib borilmoqda.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!