Nurmagomedov Poryega qarshi jangdan rekord darajada gonorar oldi

UFC’ning yengil vazndagi chempioni Habib Nurmagomedov amerikalik Dastin Poryega qarshi jangdan qancha miqdorda pul ishlab olgani ma’lum bo‘ldi.

Rossiyalik sportchi oldindan aytilgan 6 million dollardan tashqari, musobaqaning eng yaxshi jangchisiga atalgan 50 mingga ham ega chiqdi. Shuningdek, Habib media-tadbirlarda qatnashgani uchun 40 ming dollarga ega bo‘ldi.

Bundan tashqari, Nurmagomedov translyatsiya sotuvidan tushgan puldan ham ulush oladi.

Kafolatlangan 6 million UFC tarixidagi rekord gonorar hisoblanadi. Shu bilan bir qatorda, mag‘lub bo‘lgan Dastin Porye jang uchun 290 ming dollarga ega bo‘ldi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!