“Yuventus” “Atletiko M”ga qarshi o‘yindan oldin asosiy tarkib futbolchisidan ayrildi

Turinning “Yuventus” klubi 19-sentabr kuni Yevropa Chempionlar Ligasi 1-turi doirasida Madridda “Atletiko” mehmoni bo‘ladi.

Mazkur uchrashuvni turinliklar vingeri Duglas Kosta o‘tkazib yuboradigan bo‘ldi. 29 yoshli braziliyalik A Seriya 3-turida “Fiorentina”ga qarshi o‘yinda jarohat oldi. Endi futbolchi kamida 2 hafta maydonga tusha olmaydi.

Joriy mavsum futbolchi A Seriyada 3 ta o‘yin o‘tkazib, 2 ta golli uzatma berishga ulgurgandi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!