Uzbekistan Airways 2020-yildan Myunxenga parvozlarni yo‘lga qo‘yadi

Uzbekistan Airways Myunxen shahriga parvozlarni yo‘lga qo‘yadi, deb xabar beradi kompaniya matbuot xizmati.

Ushbu yo‘nalish bo‘yicha chiptalar sotuvi 19-sentabrdan boshlanadi, biroq reys 2020-yilning 1-aprelidan shanba va yakshanba kunlari amalga oshirila boshlaydi.

“Toshkent—Myunxen—Toshkent” yo‘nalishi bo‘yicha ekonomklass aviachiptasi narxi 520 yevrodan boshlanadi.

Germaniyaga bormoqchi bo‘lgan O‘zbekiston fuqarolari oldindan Shengen vizasini olishlari kerak, deyiladi xabarda.