Davron Fayziyev “Dinamo” bosh murabbiyligidan ozod etildi

Samarqandning “Dinamo” klubi bosh murabbiyi Davron Fayziyev egallab turgan lavozimini tark etdi.

Klub matbuot xizmatining ma’lum qilishicha, Davron Fayziyev o‘z arizasiga binoan lavozimidan ozod etilgan. Yaqin orada uning o‘rini kim egallashi ma’lum qilinadi.

Ma’lumot uchun, “Dinamo” O‘zbekiston Superligasida ketma-ket sakkizta o‘yindan buyon mag‘lubiyatga uchramoqda. Samarqandliklar musobaqa jadvalida 12-o‘rinni egallab turibdi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!