Toshkent viloyatining sanoat salohiyatini rivojlantirish dasturi ma’qullandi

“2019—2020-yillarda Toshkent viloyatining sanoat salohiyatini rivojlantirish bo‘yicha qo‘shimcha chora-tadbirlar to‘g‘risida”gi hukumat qarori 24-sentyabr kuni qabul qilindi. Bu haqda “Huquqiy axborot” xabar berdi.

Qaror bilan 2019—2020-yillarda Toshkent viloyatining sanoat salohiyatini rivojlantirish dasturi ma’qullangan.

Dasturga muvofiq, sanoat ishlab chiqarish hajmlari 1,7 baravarga, eksport 1,4 baravarga oshadi hamda 49 mingdan ortiq doimiy ish o‘rinlari tashkil etiladi.