Buxoroda mototsikl va skuterlar ishlab chiqariladi

2018—2019-yillarda Buxoro viloyatining sanoat salohiyatini rivojlantirish dasturini tasdiqlash to‘g‘risidagi hukumat qarori qabul qilindi. Bu haqda Adliya vazirligi ma’lum qildi.

Qarorga muvofiq, ikki yil davomida to‘qimachilik, charm-poyabzali, oziq-ovqat, farmatsevtika, mebel va qog‘oz, mashinasozlik, elektrotexnika, qurilish materiallari va boshqa sohalarda umumiy qiymati 3 322 567 million so‘mlik loyihalar amalga oshirish orqali 11 683 ta ish o‘rni yaratiladi.

Jumladan, viloyatda zamonaviy mototsikl, velosiped, skuter va nogironlar aravachasi ishlab chiqarishni tashkil etish, bu orqali 100 ga yaqin kishini ish bilan ta’minlash rejalashtirilmoqda.