TIV Leningradda o‘zbekistonlik cho‘pon halok bo‘lganini tasdiqladi

Sankt-Peterburgdagi bosh konsulxona 2019-yil 13-oktabr kuni Leningrad viloyati, Viborg tumanida cho‘pon bo‘lib ishlagan O‘zbekiston fuqarosi S.A. baxtsiz hodisa oqibatida vafot etgani to‘g‘risida OAVda tarqalgan xabarni tasdiqladi. Bu haqda TIV matbuot xizmati ma’lum qildi.

Ayni paytda tergovgacha bo‘lgan tadbirlar olib borilmoqda.

“Bosh konsulxona vaziyatni nazoratga oldi hamda hamyurtimiz jasadini vatanga yuborish bilan bog‘liq konsullik-huquqiy va tashkiliy masalalarni hal qilish bilan shug‘ullanmoqda”, — deyiladi xabarda.

Mavzuga doir: Rossiyaning Leningrad viloyatida buqa 55 yoshli o‘zbekistonlik cho‘ponni toptab tashladi

Eslatib o‘tamiz, oldinroq Viborg tumanida buqa o‘zbekistonlik 55 yashar cho‘ponni toptab tashlagani haqida xabar berilgandi.