Toshkentda 15 yoshli bola mashinada temir ustunga urildi

Toshkentning Uchtepa tumanidagi Toshkent halqa yo‘lida 15 yoshli bola YTH sodir etdi, deb xabar bermoqda IIBB matbuot xizmati.

Hodisa 21-oktabr kuni soat taxminan 5:00 da sodir bo‘lgan. Qarindoshiga tegishli Matiz’ni haydab ketayotgan 15 yoshli A.A. boshqaruvni yo‘qotib, elektr uzatish temir ustuniga urilgan.

Bola yengil tan jarohatlari bilan shifoxonaga yotqizilgan.