Sankt-Peterburg metrosida portlash yuz berdi

Sankt-Peterburg metrosining “ko‘k” yo‘nalishida portlash yuz berdi, deya xabar bermoqda Meduza.

“Layf” xabariga ko‘ra, portlash “Sadovaya” bekatidagi vagonda yuz bergan. “Piter TV” portali esa portlash “Sennaya maydoni” stansiyasida yuz berganini yozmoqda.

O‘z navbatida, “Fontanka” nashri “Sennaya ploshad” bekatida tutun paydo bo‘lganini yozgan. “Sankt-Peterburg” telekanali portlash “Texnologiya instituti” bekatida yuz bergani haqida xabar qildi.

Hodisa guvohlarining so‘zlariga ko‘ra, portlash oqibatida jabrlanganlar va, ehtimol, halok bo‘lganlar bor.

“Sadovaya” va “Sennaya” bekatlari Sankt-Peterburg metrosidagi o‘tish bekatlaridan biri hisoblanadi. “Texnologiya instituti” esa “Sennaya maydoni”dan keyingi bekat hisoblanadi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!