O‘zbekistonlik bokschi Oskar de la Hoya kompaniyasi bilan shartnoma imzoladi

O‘zbekistonlik bokschi Bektemir Meliqo‘ziyev mashhur sobiq bokschi Oskar de la Hoya rahbarlik qiladigan Golden Boy promouterlik kompaniyasi bilan shartnoma imzoladi.

Bu haqida bokschi o‘zining Twitter’dagi sahifasida ma’lum qildi.

“Alhamdulillah! Ortimda juda kuchli jamoa turibdi. “Mir boksa”dan keyin endi Golden Boy ham bor! Karate va ko‘cha janglarida tarbiyalangan, kam ta’minlagan bir bolalikdan Osiyo chempionligi, Olimpiada o‘yinlari va ikki karra Jahon Chempionati sovrindori bo‘lishdek yo‘lni bosib o‘tdim. Bu hali hammasi emas”, — deya Meliqo‘ziyev so‘zlarini keltirmoqda GoSport.

Promouterlik kompaniyasi o‘zining bayonotida tez orada Meliqo‘ziyev ishtirokida navbatdagi jang o‘tkazilishini ma’lum qilgan.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!