Uzbek Tigers a’zosi Isroil Madrimov WSB’da haftaning eng yaxshi bokschisi deb topildi

Uzbek Tigers jamoasi bokschisi Isroil Madrimov Butunjahon boks seriyasi (WSB) tomonidan Twitter’da o‘tkazilgan so‘rovnomaga ko‘ra o‘tgan haftaning eng yaxshi bokschisi deb topildi.

Mavzuga doir: Isroil Madrimov WSB’da haftaning eng yaxshi bokschisi bo’lish uchun nomzodlar ro‘yxatiga kiritildi

Astana Arlans’ga qarshi janglardan birida ishtirok etgan o‘zbekistonlik Isroil Madrimov (-75 kg) qozog‘istonlik raqibi Saparbay Aydarovni katta ustunlik bilan mag‘lubiyatga uchratgandi.

Ovoz berish jarayonida ishtirok etgan 229 respondentning 76 foizi Isroil Madrimovni qo‘llab-quvvatladi. Kolumbiyalik Dos Santos 18 foiz, kubalik Osli Iglesias 6 foiz ovoz bilan mos ravishda 2–3-o‘rinlarni egalladi.

Bundan avval Uzbek Tigers jamoasi a’zosi Shahram G‘iyosov WSB’da haftaning eng yaxshi bokschisi deb topilgan edi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!